KHRIHSAA RIEKA, SI UNG

Onward, Christian Soldiers

Doh is F. SS 706. KH 180

1. Khrihsaa rieka tie zaw, rie duna luo si; Zingsuv vieluotaa hne hmieluo tung tie ung; Zingsuv ma siepahruo hmaa malie sapa; Rieduna hmang lie Zing-suv pangzu mang ung.

CANYINA
Khrihsaa rieka tie zaw, rieduna luo si; Zingsuv vieluotaa hne hmieluo ta si ung.

2. Zingsuv ming thyi pahne, Setaa a ruo yi; Khrihsaa rieka tieta tena ma hmung aa; Pathuosana pu ta Setaa ruo cahang; Uvnu hlaa sa vie ung, khuopuv ta sa ung.

3. Riekabuv lepuv haa, Khrisaabuv a cuo; Mingpathe tie luopuv kiema ma ziy ra; Kiema a che’a vapuv, pangkha ta ma cuo; Nguopuo, zangna, duena lie pangkha ma cuo.

4. Alyi siepahruo tie pena a ra taw; Zingsuv a Khrihsaabuv ca aa hmang pari; Setan cahrana ta tena hmung khu’a vyi; Zingsuv bie malie kuo, a biekuo aa hmang.

5. Chuelyi cawsaa tie zaw, maa vya pahlaw ung; Tena hlaa ma sapa, niema sa ra ung; Lyiming hne vuoming ta chuozaa pathuosa; Rungnaa pathuosana, Zingsuv kha pi ung.