CHUELYI A TAWMUONA

Weary of Earth, and Laden

Key F. SS 489. KH 250

1. Chuelyi riethyi sue hmangriy ta i aw; Vuoruo luo i hyi, I ngie pahraa khing; Vuoruo lie phalina zaw aw’a va tli; Avaw la, ina tapa kha i thyi.

2. Cawsaa phalipa kama cuo hingta; Biekuopa ruopha i ruechuo nguo’a ma? Byithude pathepa hmiekung luo ca; Zingsuv ta a kuv ta inaa vya kyi.

3. Ningting i sina vuoruo luopuv lie; Suena ta ina dungvie pari taw; Ngiepachiypa ta sue naa phu kieca; Suepathlie na cuo aa, Byipa a ta.

4. Byi Zingsuv ina u na kha i thyi; A kuv ta amaa luo na ca-ya le; A thiyse kama cuota a palang; Byithude hmie lieta ina padaa.

5. Kama rikuotuv adangna Byipa; I lawmuo bangkhuo nama huo a cuo; Hlinglakhuv naa khuv, siylakhuv i khuv; Nama thiyna ca kama cuo hringna.

6. Byipa, i vya cyi riy khaahmuo hnyi vang; I palungpathiy bangkhuo i caa pi; I bie, i thlaachuo ta paluo sa se; Naa ngiethe hryly, i ca due hryly.