LIEHING I AW, NA PATHLIE TIE

Here am I, Send Me

Key F. SS 813. KH 276

1. Zingsuv u-na kha naathlie tie, hungma a hrie aa? a ta; Lu sa kha a hming diy mangtli, hungma hrie hruo a thu aa? Hmisi tatah Byipa ca u, ninghlue lawmuo na hmung aa; Hungma, “Kama, liehing i aw, (na pathlie tie,” a ta aa)2

2. Riyliy huesuo caka pata, ruothaa na si khu likie; Nama’a thaa lieta a awpa, riethyi vuosuo kha bya tie; Tuokaa hluv na pi khuli kie, nunghlyinung haa piese pi; Zingsuv cuo cawta na tuepa, (sungnaa cepa ta a ri)2

3. Vuoming haata hlaa sa thepa, Paul haata phung ri thepa; Na cuoli zaw, Zingsuv duena hne a thiyna kaw ri tie; A pyathupa tie changpata palung na thle khu li zaw; Haatiy kha Zingsuv buo chungluo, (a vya chiy le lawmaw tie)2

4. “Kama ca khaahmuo the va ang” khaapaning hmuo va ta khah; Cawsaa thlaapa thiy nguoluo yi, Byi Zingsuv ta a ca u; A ca pipa re cuhluo la, re lie na palung tluo se; A ca u pahne palie la, (“Kama na pathlie” ta tie)2