KAMA NA AWPUO TIE

Abide With Me

Key Eb.SS 297. KH 26

1. Zuoluo ning a tla, Khy zaw a zing tli; Byipa, nama i thaa lie aw thi tie; Hnaa panguotuv hne byatuv aw li ning; Tlahlapa tie byatuv, na awpuo tie.

2. I hringna ningcuo zaw hing a chuo le; Chuelyi paaphana zaw hing a lang le; A ra thepa hne aa hmang lipa se; Aa thle buoli Khazing, na awpuo tie.

3. Ningting ta nama awkhyipa i khing; Setaa carie nama dyi na te khu; Nama haa naa bya khutuv hrang aw vyi; I cuona mekaa lie, na awpuo tie.

4. I ming i pasing, na vieluo i hmung; Zingna chungtaa vuoruo na pahmung sa; Vuoruo khy a dyi, lyi zingna vie diy; Hringna thiyna lie Byipa na awpuo.