ZINGSUV, I THLAAPA DUETUV

Jesus, Lover of My Soul

Key F. BH 156. KH 347

1. Zingsuv, i thlaapa duetuv, Nama’a luo na pazu sa; Tiylaw ta ina cade, thliychie khuopuv ta aa hruo; Vya, i khuotuv na nu la, thliychie hruo a die hluoli; I thlaapa aa bang pata, nama’a lie na pa aw sa.

2. Canawna hrangpa hnyi vang, I thlaapa a ca pangie; Kama se na thuse khah, palung hnaa na panguo tie; Nama dyi i caa buchuo, nama taa thaazuo i hmung; I hringna hing pakhuo tie, na mathlaa ningdiy raw lie.

3. Vya Zingsuv, nama dyina, I khingpa ting a hnyi ciy; A liepa, tluoli, mingcue, pathu la patluosa tie; Na ming a pathe, aa dang, kama danglipa i cuo; Suena paana ta i bi, nama dyi vihnyituv Byi.

4. I suena a buvkhungpa, vihnyina naa pituvpa; Tluona cavaa palang sa, pathepa na pacuo sa; Hringna acaa tiy na cuo, muoli ta a la ang se; I palung lie za lang la, chuozaa cuota za lang tie.