ING, SUNGCE ING

Home, Sweet Home (Mid Pleasures and Palaces)

Key Eb. SH 360 (Inet). KH 399

1. Ingpha hne khing tling pata aw ra angse; Thlungching ma piyvaa ing haata ta the vyi; Thlaachuo hlaasana ing linghlaa pa awsa; Piyvaa ma ing laa, hnaanguo viena aw vyi.

CANYINA
Ing, ing, thlungching ing; Aa repu li zaw, ma ing i vuo pari.

2. Cung thlaapa, nama ca ma khy na hmung’a ing; Lubie ca taa’a ang lungkhaw viesaa zaw kha; Thing hne ruo zaw kha, khaama ama lu’a tli; Vulepaa paana, i lieriy tlana khy.

3. Ning hne cuo zaw hing mingvy hluota khung yi; Cuovuo vya chiy te kaliy ryine nung zaw; Ma khy awhnaa thingsungdaw taa a ngiy’a yi; Uo-hnaa patiy hne ma ngiediy ing i vuo.

4. Pavaa haata a zu the ang sala ca; I vuo cuota vaa zu pahraa taw aa ang; I nung awna ma thlungching piyvaa ta kha; Thluechiybawhnuo i za hmung taana ing kha.