ZINGSUV PHUNGPA I RI KHING

I Love to Tell the Story

Key Ab. SS 46. KH 415

1. Zingsuv phungpa i ri khing, Hmung li cungluo hmang kaw; Zingsuv a rungnaana hne Zingsuv aduena kaw; Zingsuv phungpa i ri khing, Aa hmuopa i pachang; Hing duena bie dyi hingna, Palung hnaa naa pa nguo.

CANYINA
Phungpa phace i ri khing, Kama cuo biepuv cepa; Phungpa phace i ri aa, Zingsuv aduena kaw.

2. Zingsuv phungpa i ri khing, Nang-uo aa chiy hringhruo; Tue chawpa phungpa laata, Muo ta sa buo lipa; Ca phungpa ca i ri khing, Siyluo a hnyi hringhruo; Cata a cuo nakawta, Nama kha ica chang.

3. Zingsuv phungpa i ri khing, I canyi pari khing; Hing phung i ri kyry ta, Nang-uo aa chiy hryly
Zingsuv phungpa i ri khing, Chekha thyi buo va yi; Khuona bie ca i ri aa, Khazing Bie Pathe ca.

4. Zingsuv phungpa i ri khing, A pachangpa tie cuo; Nangdiy tiyhriepa haata, Ama thyi khing pari; Rungnaana ruo lieta ca, Hlaa thaapa i sa’a tli; Capaca, Zingsuv phungpa, Kama i khingce pa.