RUOHLAPUV LUO

Far, Far Away (Go Ye Into the World)

Key A. SS 1090. KH 417

1. Ruo hlapuv lie zang lituv tie ama aw, Thlaapa ri tieli a ma lidie aa; Hungma, si aa; Khuona thuophaa chang riypa; Zingsuv dyi mang, Ruvna rue li pata.

CANYINA
Nawhnyina i na pi diy tli, Naw hnyina i na pi diy tli; Ruoting luo si ungla Thuophaabie chang ung; I ca awpuo pari’a yi, a ta.

2. Mangtie, chuelyi khyzaa ta malie hry yi; Khrih rieka tie thu ungla si tie ung; Uvnu thu ung, ma thaazuo pahmya ungsiy; Thuophaabie ta suena buoli chi ung.

3. “Tahe nama thiy aa?” Khazing ta a ta; “Tahe nama thiy aa?” ta pachaa tie; Thiyna taa khuo re pata Zingsuv a thiy; Hringna hne khuona kha tluo-u tie ung.

4. Mingphang ting ta “Khazing rungnaa se” ta’a yi; A catli ta capa hlaa ca tlung se; “Hallelujah, Byipa ca ma siepahruo” tapata khuopa tie pathuo sa’a yi.