NA LESYI HRINGHRUO

How Great Thou Art

Key C. EW 19. KH 41.

1. Byipa Khazing, na tuepa hmang ting zaw hing; Pacuo taw ang, nang-uo aa chiy hringhruo; Vuo aasiy hne khalung puraa zaw hingta; Na hmangtuekhuna ca paluosa yi.

CANYINA
Vya, i thlaapa khuotuvbyi pathuosa, Khatluvtama na le na syi; I thlaapa ta khuotuv i pathuosa; Khatluvtama, na le na syi.

2. Tluo’a na vaa ting ruopahriy lie a khie ang; Thingsung daw taa, liepavaa nung ryine; Tluopaduo taa khy’a na ruo i suo ningta; Cavaa pu hne ziyzaa si pu i thyi.

3. Khazing duena i pacuo syalya ningta; Saacapaa hmuo a khe li ta a pi; Vieluo lie kha i suena na phyapa te; A thiyse ta i suena pathesa.

4. Rungnaana hne Khrih aa vaw pakhaa thueta; Alawna ing luo ca inaa chiy aa; Ama hmie lie i pakhuv pane’a angte; I Khazing lesyina ca i phu aa.