I CUOTA NA PHA HRINGHRUO

You Are So Good To Me

Key F. LM 40.

1. Vya, Byipa malie na duena hing, A ruekhue ma cue li ning zawta; Maa hupa hmangpha ting hne, Ma hringna luo naa chiy; Na saata ta tluo hmuo a tla li, Suena ta i hring a bi ning zaw; Ma kaw pacuo te, maa maw lituv, Byipa, na pha ne, na pha hringhruo.

CANYINA
Cawsaa phapa haa, Na mangchiy ciy, A dangpa haa; Maa phuv lina te thluechiy malie na pi, Byipa; Na duena kaw hing, i rue tiyta, Alawna mingthliy dyina a lang; Byipa, na pha ne, ta hlyitaw ta; Ri riy chang riypa khaahmuo hnyi vang.

2. I khingna tling khu vyi, tapata, Palung pasapa ta i aw ning; Kama khingna laa, apha vieta, I cuo na khuo; Saruopa haata, nama cuota, Thlahnena i hnyi li ning zawta; Hmangpha ta i hringna na pabi, Khingtlingpa ta na pacuo sa ciy.

3. Ma hringna cuota, phana khaahmuo, Ma patungpatie the li ning zaw; Maa hmung chungta, Maa hupa hmangting malie na pi; Ma cyicuo ta hung vuo hmuo ngieli, Alawna hne malie naa chiy hing; Na duepa saa ma cuona aa luo, Hmangting cunglie naw hnyituv Khazing.