HRINGZUNG CUO A PACHANGSA

Life at Best is Very Brief

Key Eb. SS 437. KH 385

1. Hringzung cuo a pachang sa, Thinghnaa zungpa hne suopie; Catawpa haata a cuo, haa lie ciy; Hringzung zaw a khung patang, Thiyna zaw ma lawse aa; Pasapanaa aw’a vatli, haa lie ciy.

CANYINA
Haa lie ciy, (haa lie ciy) haa lie ciy (haa lie ciy) Zingsuv a ca u ninghing, Haa lie ciy (haa lie ciy) Suena cuo na huo kieca, Ingchiy khaa khuo na cuo aa; Vuosuo u pathlyi’a kie ciy, haa lie ciy.

2. Paapaapa zaw a lang taw, Puvthena zaw a lang taw; Cuo syipuv hring aa vaciy, haa lie ciy
Khazing thlaapa ca u ning, Khingthiy ta aw kha paa tie; Vuosuo u ta aw’a kie ciy, haa lie ciy.

3. Cuo sungpa zaw ama khung, Bieripana ning aa ngie; Zingsuv’a luo a zu riypa, haa lie ciy; Thiyna ning a tlung hluota, Nama cuota thlaa i chuo; Na thlaapa hell luo tla’a kie, haa lie ciy.

4. Ziykuo ruona bie naathlie, Byipa dyi hing a tlaw tie; Vuoruo lie lawna bi aa, haa lie ciy; Zingna taa khena luo a’vaw, Zingsuv ta ca pahlyi aa; Vuoruo hring kha pathu tie, haa lie ciy.