CHUELYI LIE HING TA BYI HLUVPUV AMA PUV

Key A. LB 22. MH 93

1. Chuelyi lie hing ta, Byi hluvpuv ama puv tli; Byi Zingsuv haata, ahunghmuo puv buo vayi,
Vuo Byi saa a za puv, Byi lakhuv maa pipa; Vuoming bangkhuo zaw ta, maa lawkhyi thi tie ung.

CANYINA
Thaa phata alaw ung, Vuo Byi saa pathuosa; Apuv alawna hlaa ta, Lyi-lung hing bi se; Vuo Byisaa a zapuv, Byi lakhuv maa pipa; Vuoming bangkhuo zaw ta, Maa law khyi thi tie ung.

2. Avuoming ri tie li, lawna hlaa ama sa; Ama ue phapa, tuvkhie tuv tie ama thyi; Byi Khrih za puvna ca, iema kha ama chang; Tuv zaw kha sise yi te, Byipa amaa bie.

3. Ningchiy cawsaa singpa, rang pa-ue vya cyi yi; Aasiy khepa ta iema kha, luo aa chiy yi; Mary ta aa pawpa haaseta, a ma hmung; Lasaw kaw pahaw yi te, Byipa amaa bie.

4. Byi Herod ta pachang te, a nang aa uo khyi; Cawsaa singpa tie, bie repata a dung yi; Judea ruo chunglie, rieka a papung diy yi; Abiena ciychiypa, vuo ta ama pya tli.

5. Zingsuv ataning, ma palung cue-ing lieta; Zapuv pakhaa la, ma chuozaa Byi riypa ta; Ma kuv a suepa hing, Mary kuv pacuo sa; Chuozaa ta maa law pari aa, cipari ta.