EDEN PAA LANG CIEPA

Key E. LB 23. MH 97

1. Eden paa lang cie, papaa sa hyi pata; Chuelyi pachatuv, a za puv tli; Vuoruo hringna phapa, a vya tlung khyi tli; Byi cungnungce ta, hmang nutaa ce aa tlaw.

CANYINA
Alaw ung siy, Diena Byi vya puvpa; Rithena lyi hne vuo pathuo se; Hing tluv ma cuota Byi, alawchiypa ca; Puv vayi, puv buo hluo’a vayi, chuozaa ta.

2. Hluoning cawsaa zawta, hmung ama khing pa; Hmungli ta thaw hluvpuv ama khung; Byipa palungtluo pachana lawna ca; Kiema ma tingpa hing, vuohnyice ma cuo.

3. Hluoning taata, taning te cawsaa hrawlie; Pachatuv hrangpa, puv buo va yi; Hluoning mingpathepa Si-me-on haa khata; Ahmung alawpa, vuohnyice ma cuo.

4. Lyi hne vuo ri tieli, zaapuv hraw taata; A pha, a cungnungce pachatuv; Israel ming khing li, ama thawpa kha; Vuo Byi saa vuoruo hringna sungce i haa.