BETHLEHEM LIE HMANG AW VYI

Key A. LB 13. MH 82

1. Naathlie Vuo Byi saa ca, Bethlehem cue-ing chunglie; Nu haa apaw pata a vya puv,
A Byi rungnaana, vuo thude sise pata; Malie athlatuv, cue-ing nutaa lie a puv.

CANYINA
Maacaa lawsa, lyi hne vuo Byi rungnaa; Pathuosa hlaa thaata ma sa aa; Manghnuepa hne riethyi zaw Byipa; Hluoning Bethlehem lie hmang a aw lipa kha; Ata dyi hing kiema hraw lieta hmang a aw.

2. A puvna hmang, riethyi Bethlehem rili pata; A cuo ta hmang hrang pa, aw tlung vyi; Aluv aa ziena, Bethlehem cue ing nutaa; Lyi byi zaw hne a cawsaa zaw ta khing va yi.

3. Byi cungnung hmang cungnungce awna taa, Byi Zingsuv; Lyi byi zaw ta, adu ra yi se; Kama cuo dyi ca, Byi khingcepa cuo cate; Vievuv saa zaw, lawna Byipa vya puvpa ca.

4. Hluoning Eden diedung, chung lie hringna ma pahli; Tahing Byipa ta, malie a pi, A bie ripa ca, vievuv saa thlaa palungtuv; Dyivaa aasiy laata, a pha vie Byipa ca.

5. Hluoning nama cuota, Bethlehem lie hmang aw vyi; A pathepa, vuo Byi puv na’apa; Ta dyi hing lie hing, nama cuota hmang a aw; Zingsuv kiema’a lie pahruo la, malie awpuo.