MA CA HUO PARI BYIPA

Key A. LH 171. MH 538

1. Ma ca huo pari Byipa, Chuelyi riethyi zing raw lie; Na ruepa Salem khypuv ca, I vuo hringhruo tli; Chuelyi riethyina hne, Zingna lie a khie rasiy; Duena ta maa huvtuvpa, Vuo lita aw khu vang.

CANYINA
Vuo rungnaa Eden khy thaapa, Pacuorung aw lina hmang ca; Vya, khatiyta i tlung ra aa, Na chuozaa Byina ruo khe a phapa ca.

2. A vya ngie naa khuotuv pa, Carie a le chuelyi lie; Thiyse ta aa thla ciepa, Pacuorung ta caa yi; Chuelyi na hraw ningta, Na thlaazangna Kalvari; Khakhehpa zaw a vaw yi, Na ruo dutuvpa ca.

3. Vya khatelie pachatuv, Zion tluo hnaanguona ca; Sue pathena ngiechi tiy, I cuo ta na langna; Suepa khuona chung lie, Na chuozaa vuo khy’a na ruo; Pacha saa nama thueta, Lawta a khie na ca.

4. Hing chuelyi hing a li aa, Sungkhata tah a li aa; Pachatuv ma vya u te, Alyi ruo ma khung aa; Zingsuv a duepa tie, Byi lesyina ting’a yi te; A duena ku hryly pa, Law ung, Hallelujah.