MA HRING CHUNGTA HRIE UNG SALA

Key Bb. LB 198. MH 457

1. Ma hring chungta hrie ung sala, Suena pacuorung hrawlie; Ninghrang Byipa Zingsuv thueta, Hringna lakhuv ca maa khuv aa.

CANYINA
Hing lyi byilakhuv zaw ca, Chuozaa ruo pha khu the vyi; Vuoruo lie hringna Byi lakhuv ca, A thupakhaapa na a hmung aa.

2. Hluoning Eden diedung lieta, Evi nata Adam ca; Pathiypalung ngaa nakaw ta, Suena ta a pa nanang yi.

3. Reruvpa hne hmangriypa zaw, Huesuo lie amaa chung aa; A myi hrawtaa naza u thue, Ma pacuorungna li diy aa.

4. Ci maca huo Immanuel, Pacuorung ruopahriy lie; Ninghrang Kanaan ruophapa lie, Viesaa zaw hne imaa khie aa.