HRING CHUNG CAVAA A TUNG A HAAH

Key A. LB 218. MT 131

1. Hring chung cavaa a tung a haah a khie rasiy; Hmieluo khy pha Kanaan suo pata; Maa lawna Byilakhuv ca aa ngie mang tli; Chuelyi hing caa pata asyi hmuo’a va ang.

CANYINA
Khasuo ru vyi, hring chung pacuorungna; Malie una ue i thyi’a nata; Byi thude kie lie ngietielina ue ca; Kawpacuo zaw caana a ru tuv, ta yi.

2. I vievuvna cavaa pasiy rasala; Chiythatuv aasiy ca suo nguoluo tie; Pahyna tluo pathe ca na tlung khyi aa; Calie lungkhaw viesaa zaw ama tling aa.

3. I pangie aa, chuozaa ziyzaa phana ca; Lang lipa ta paapaapa zaw a paa; Tuvtaata hne vuo paa pha paana ca; Thiyse thueta vya i kya tlung thlu ra aa.

4. Lungvaa tlawhmie lieta, i khie tiyta ca; Hnangluo tluo khung pa hing, vuo va tli ang; Ca lungvaa Byipa ruo pangietuv pa zaw; Ning tla thelipa ta, chuozaa ta a khe aa.