THLUECHIY TINGTA LANGNA TIYHNAA

Come, Thou Fount of Every Blessing.

Doh is Eb
BH 313. KH 8

1. Thluechiy tingta langna tiyhnaa, Na vihnyi hlaa sa ang se; Na nangduena cili cavaa, khuopuv ta pathuosa aa; Hlaa thaapa kha na pacuv la, Avuoming zaw sapa hlaa; Na duena tluo haata aa suo, Khuopuv ta pathuosa aa.

2.  Na cahrana byana thueta, Ebenezer lung i bang; Nama duena nguopuona ta, Vuoruo ingpuv i pha aa; Khazing’a taata i vie ningta, Byipa Zingsuv na huv le; Kama hringna khuo repata, A thiyse sung a palang.

3. A vihnyina le hringhruopa, Kama cuo duena lyibuo; Na phana hne duena riy ta, Nama hne naa ciypuo tie; Palung vievuvpa kama hing, I thuse i due Byipa; I palung hing caa na khe la, Vuoruo cuo ta pacuo sa.