NAATHLIE, VUOMING HLAASAPA

Hark, the Herald Angels Sing

Key G. BH 81. KH 84

1. Naathlie, vuoming hlaasapa, “Siepahruo thaa rungnaa se”; Alyi lieta diena aw se, Khazing hne cawsaa a re; Mingphang zawdya alaw ung, avuo tena a hraw ung; Vuoming hneta hlaa sa ung, Bethlehem lie Khrih a puv; Naathlie, vuoming hlaasapa, “Siepahruo thaa rungnaa se.”

2. Vuoruo lie suocepa Khrih, chuozaa hringpa ma byipa; Acuo a tling taata aa vaw, lesaa riy chunglie za aw; Saapa lie Khazing aa luo, Khazing hievuo pathuosa; Cawsaa hrawlie khy a sa, Zingsuv ma Im-ma-nu-el; Naathlie, vuoming hlaasapa, “Siepahruo thaa rungnaa se.”

3. Vuoruo diena siepahruo, dangna byi pathuosa ung; Khena hne hringna a vya cyi, tluona abangna a cuo; A rungnaana a thuse, cawsaa khuona pi vuota; Alyiming pathu riypa, yihning puvna pi vuota; Naathlie, vuoming hlaasapa, “Siepahruo thaa rungnaa se.”