KAMA CUOTA KHRIH

Christ For Me

Key D. SS 845. KH 99

1. Vuoruo lieta nama hlyita, ahunghmuo hnyi va ang; I hringchung i sa riypa hlaa; I cuota Khrih Zingsuv; Kama cuota riethyi a ang, a thiyse ta i naa thla tli; Khazing hneta ina pare, I cuota Khrih Zingsuv.

2. Chuelyi hnyirungna hietlie vang, I cuota Khrih Zingsuv; Chuelyi chechiy tlechuo va ang, I cuota Khrih Zingsuv; Chuelyi hmangbya a hmang the vyi, ama lang ama li diy aa; Kama’a lawna ca langtheli, I cuota Khrih Zingsuv.

3. Phahla dawchie ina tlung zaw, I cuota Khrih Zingsuv; A cie va ang, Byipa pachang, I cuota Khrih Zingsuv; Mingsuv thyikuv kahy rase, olif thyi pathyi li rase; Tuv-ing sahring puv ra yise, I cuota Khrih Zingsuv.

4. Carie hraw lie tla hmuo angse, I cuota Khrih Zingsuv; Suena ta na cadung rase, I cuota Khrih Zingsuv; Alyi rieduna ciychiy ta, I thlaapa kha du ra hmuose; A cahrana ta i te aa, I cuota Khrih Zingsuv.