ZINGSUV VIHNYINA NANG-UO

Wonderful Grace of Jesus

Key Db. HF 114. KH 81

1. Zingsuv vihnyina nang-uo, I suena laa le vie; Tuokhaama i phu khu aa, tuokhaa pathuosa aa? I hmangriypa ina cyi, I thlaapa hya pazang; Zingsuv vihnyina nang-uo ta, ina de tli.

CANYINA
Ritieli Zingsuv vihnyina nang-uo, hnyina nang-uo; Riyliypuv laata na aa thuv vie, na aa thuv vie (Tluo laata aa suo vie, acaatiy haa a lang, asuecepa i cuota hmuo aa de); Nang-uochiypa, a suecepa i cuota hmuo aa de; I ringielina laata a ku vie, I sue nangzaana laata le vie; Vya, Zingsuv na ming sungcepa pathuosapa cuo se.

2. Zingsuv vihnyina nang-uo, a viepa a huv yi; Sue ngiethepa i cuo tli, khuona tling ina pi
Hrena buoliriy chi diy, hyazangna ina pi; Zingsuv vihnyina nang-uo ta, ina de tli.

3. Zingsuv vihnyina nang-uo, pyalyina pathe sa; A cahrana ta na thle, Khazing saa ta i cuo
Dienapa hne vuoruo kha, chuozaa cuo ina pi; Zingsuv vihnyina nang-uo ta, ina de tli.