VIHNYINA THUOPHAABIE

The Gospel of Thy Grace

Key G. SS 490. KH 117

1. Vihnyina thuophaabie, palung pyathu a te; Khazing chuelyi a due, a Saacapaa a pi.

CANYINA
A zangpa tie mekaa chuozaa hringnapa kha a ma hmung aa; Chuozaa hringna a ma hmung aa.

2. Pariy calyapa ta hringna tluona a pi; Vieluotaa lie Zingsuv, kama hringna tluona.

3. A suepa a thiy aa, tapa bie kha i thyi; A viepa kama hing, na vi thueta i hring.

4. Chuelyi pa sue riyta, Byi Zingsuv a vaw vyi; Ama thueta chuelyi, khuona hmung riypata.

5. Zangna thaazuo dyapa, zangna cu ma pi tie; Na bie pacuvpa haa, hnaanguo ta ma aw aa.