ZINGSUV VIELUOTAA (A/B)

The Cross of Jesus

Key Eb. SS 139. KH 121

1. Zingsuv vieluotaa rawlie, awpa i palung tling; Riethyi thaabuona ruo lieta, i ningdiy i lungpuv; Ruocaapa lieta awna ing, luocang a pahyna; Ningchung ningling riethyi ningta, a canawna ningdiy.

2. Vya, abangna hmangphapa, a canawna ningdiy; Vuoruo duena hne aa dangna, amaa tawnapa hmang; Hluoning Mingpa Jakob haata, muocuo malie a pi; Changpuo taw ang Khuotuv vieluo, vuoruo kiena hlyidaw.

3. Zingsuv vieluotaa cunglie, ming ta I hmung pasie; Khapa lieta kama cuota, a te-ang pasa ca; Palung kyichi mingthliy cangta, nang-uo suohning i hmung; Kharuehaa Khazing duena hne kama dutlelina.

4. Vya, vieluo, na ningdiy ca, I canawna cuo se; Khena hrangpa a hu va ang, a hmie ningkhepa dyi; Amie, asung ruelipa ta, chuelyi hing khung buo se; I suena hring i nangzaana, vieluo i rungnaana.