I THLAAPA, NAATHLIE!

Hark, Hark! My Soul!

Key D.SS 231. KH 12

1. Vya i thlaapa, naathlie, vuoming hlaasa pa; Alyi cung hne riyliy te a pathuo, Hringna thaapa suena awlitlina hring; Biehmisi sungnaapa malie a chang.

CANYINA
Avuoming ta, hlaa puvthepa ama sa; Cungluo taapa hlaa malie sa pa yi, Zuozing caana mawdiy lawna ta aa thle; Hring zingna ca duena ta pavuo sa.

2. Luohlaapuv lie zuoluocaw daaking haata; Tluoting vaating Zingsuv ue a pathuo, A thawsaa ta hmangriy a phyapa bangkhuo; Tuvkhiebyipa nama’a luo i maa vaw.

3. Riethyi thaabuopa Zingsuv ta a ca u; Hlaa sa ma thyi, hmieluo ta ma tung aa, Khyzingna lie hlaasana ueryi a hraw; Thuophaa hlaa ta vuo luo malie aa chiy.

4. Ngiechina cuo kha pasiy ra mang sala; Zingna chuo’a te alawna khy dyi aa, Riethyipa zaw sina luo a chuo tiyta; Thlaapa hnaanguona siy khy ma pha aa.