VIELUO TAANA

The Old Rugged Cross

Key Bb. BH 93. KH 138

1. Luohlapuv tluo cunglie vieluotaana aa daa, te-ang nangzaa pamangsana; A suepa tie cuota i Byipa a thiyna; Vieluotaa ca i tlechuo ce.

CANYINA
Vieluotaa i pasungpanaa aa, tenapa lasaw i cyi hluoli; Vieluotaa ca a patuv’a angte, Byilakhuv ta ina thlepa aa.

2. Vieluotaa khatluvta chuelyi ese a ang; Cuose kama i khing hryly; Khazing tuvtaata aa vuo rungnaa a thuse; Kalvary lie vieluo aa puv.

3. Vieluotaana lieta thiyse sungpa aa kaa; Kharuehaa puvthepa i hmung; Khiypa vieluo lieta Zingsuv thiena a ang; Kama sue ngiethe riypata.

4. Vieluotaana cunglie zangtluopa i cuo aa; Thaapha ta nangzaa i ang aa; Ningkhakha vuoruo i ing luo ina u aa; A rungnaana i hraw ra aa.