A HLOMI TUU KA SI

A hlomi tuu ka si, Tuuruun sungka um lo; Tuukhal
tui’ aw kha ngai lo in, ka duh bangin ka um; A
vakvaimi ka si, ka inn um ka duh lo; Ka Pai’ aw
khi ngai duh lo in, ram hlatpi ka feh zo.

Tuukhal in tuu hawl bang, Pa in a fa a hawl;
Fing le tlang cung cuan in a hawl, khuazaramkip
tawi in; Rilrawng in ka um i, thi deng in i ra
hmu; Duhdawtnak in i tuamhlawm i, misual keimah
i run.

Tuukhal Bawi Jesuh in, ka thlarau him tein; A
thii in ka sual a tlengfai, i damtertu a si; A
hlomi kha hawlin, a hmu saltu a si; Ama'n a hlo
mi keimah cu, tuu inn ah i tlun-pi.

A hlomi ka rak si, Pathian thu ngai lo in; Atu
Tuukhal aw ngai ka duh, tuuruun hnen um ka duh;
A hlomi ka si lo, vahvaih ka duh nawn lo; Ka
Pai’ aw cu ngai ka duh thlang, a inn nuam um ka
duh.