THLUECHIY PASUV TIE

Count Your Blessing

Key Eb. SS 745. KH 354

1. Chuelyi vuosuo riethyi hraw lie na aw ning, Palung chuo a-nguopuona awli ningta; Thluechiy suokha hnang suokha pasuv hriy la; Khazing duena kharuehaa na pasie aa.

CANYINA
Thluechiy suokha hnang suokha pasuv, Khazing pipa thluechiy kha pasuv; Thluechiy pasuv, suokha hnang suokha, Thluechiy hluvpuv a capi kha na hmung aa.

2. Pacuorung riethyi hmangriy ta na aw ma? Naa puv riypa vieluotung aa riy tuv ma? Thluechiy kha ri la zang lina a vie aa; Ningting pathuosana hlaa na sa khu aa.

3. Hnyirungpa tie siy hne ngu na hmung tiyta, Khrih hnyirungna a biekuo kha pacuo tie; Suethiy ta calyi khuli thluechiy ri tie; Vuoruo na ing lie lasaw sung na hmung aa.

4. A tawmuona hrawlie ta na aw ningta, Na thlaazang kha se, Khazing na caa awpuo; Avuoming na caa mangsang, thluechiy ri tie; Na luopuv chuona te hnaa ca pa nguo aa.