VIESAA PHAPA I HMUNG MANGTLI

I’ve Found a Friend, O Such a Friend

Key A. SS 871. KH 355

1. Viesaa phapa i hmung mangtli, i pachang hluota na due; A duena riyta i naa da, Ama hne inaa ciypuo; I palungpathiy na ciy te, Khaapata hmuo phi khu’a vyi; A huo i cuo, i huo a cuo, Chuozaa ta chuozaa teta.

2. Viesaa phapa i hmung mangtli, Kama khuo vuota a thiy; Hringna ina pi hlyi taata, A hringna te ina pi; Kama huopa tariy hnyi vang, Naa pituv byi huopa se; I hringna hne zezaw tingtie, Chuozaa ta ama huopa.

3. Viesaa phapa i hmung mangtli, Na mangchiy te i na due; Singna luo zawkha na chang te, Naa vetuv phace a cuo; Hingtluv ta naa duepa hneta, Khaapama naa che khu aa; Hringna thiyna hne hell ta hmuo, Che’a vyi, a huo i cuo tli.

4. Viesaa phapa i hmung mangtli, rungnaana kha i na pi; Vuoruo luopuv i si ningta, Ingpha chungluo i naa chiy; Chuozaa ta a lesyina ta, naa byatuvpa a cuo tli; A ruechuona ta hrie’a angte, hnaanguopa ta i aw aa.