I CARIE HMANG SANG NGUO VA ANG

Key A. LB 130. MH 416

1. I carie hmang sang nguo va ang, Hing i awna rie ciyna hmang; Ningting suena ta inaa du, Naa thlatuv Byipa papha pa ta.

CANYINA
Na pabuv thi, Immanuel, Na Thlaapa ta na pabuv la; Hing chuelyi sue zingmaana hing, Na cuo tana i du aa.

2. Riethyi ngiechi ta i aw ning, Na cuo i rie a chie ning zaw; A daa nguopa cuo Byilakhuv, Na tuepa kha na chang hyi thi la.

3. Vya suo thila naa khuotuv pa, Thiyse ta naa thla ciepa zaw; Hing chuelyi sue zingmaana lie, Amaa tuo Byipa, ri tieli ta.

4. Malie a bya la i carie, I hri aa, Na thiyse thueta; Na chuozaa ru ting riypa ta, Suena chung taa i papya diy yi.

5. Ninghrang khy a vya dyi tiyta, Naa khuotuv Byipa i hmung aa; I carie hmang i sang diy aa, Pang rungnaapa ina pabuv aa.