NAATHLIE, NUNGCHIYTUV BYI UNA

Key Ab. LB 107. MH 212

1. Naathlie nungchiytuv Byi una, A pathuo ne myiding hraw taa; Thlapa tie law hlaa ta daw se, Hosanna tatah ama u.

CANYINA
I vaw patang aa ne, Byipa ta phangting lie a ri; A ting diy ung, Phangting zawdya se ung; Aa vawna pa ning, Aa ngie tli.

2. Vya chuozaa khy vya dyi buo la, A thlapa tie alyi nang yi; Na vuo rungnaa dyivaa aasiy, Vya khe thila Byipa Zingsuv.

3. Vya, chuozaa khy vya khe buo la, Thlapa tie vievuv na ru tuv; Mingthliy tla lina pa ruo pha, A vya pahaw Salem khypuv.

4. Zingna ta ina ca dung ning, Lawna tlingpa hnyi khu va ang; Vya lawna Byipa a vaw la, Na ruo paa pha malie pi tie.

5. Vya chuozaa tluo lakiy taata, I zuv pakhaa hyi aa, a ta; Thlapa tie law hlaa te daw se, Hosanna tatah ama u.